一個政務司長 5個intern

新一屆特區政府講明重視青年政策，日前將由劉鳴煒做主席的青年事務委員會升格為青年發展委員會，由政務司長張建宗親自掌舵，方便協作各部門推行新政，而司長本人亦身體力行俾機會青年人，佢話呢排身邊就多咗5名青年實習生(intern)跟出跟入學嘢，而成個政府今年就請咗50幾個intern。

昨日張司長邀約本地傳媒老總於政府總部午餐聚會時，亦有兩名年輕女intern一直在旁，兩人係來自恒生管理學院的Jamie(左)同來自樹仁大學的Giselle，笑容可掬，夠晒活力，Ray覺得佢地有咁嘅實習機會都幾難得，原來佢地平時仲要負責政府青年網 (http://www.youth.gov.hk/ )的內容，有時於fb專頁出下post，好似DSE放榜前一日就有兩個同名公仔po咗條片鼓勵考生，唔知同佢地有冇關呢？。