我們這裡不缺人，缺人才

喺大陸，搵工興去「人才市場」。人才市場係好似一個書展咁嘅博覽會，而每個攤位裡面都係不同企業的人事部職員。企業會同現場嘅應徵者解釋工作性質，甚至即場面試、聘用。「人才市場」同「書展」嘅分別係，人才市場每日都有擺展。而今時今日喺人才市場裡面，人事部經理之間最常聽見的，係嚟句：「我們不缺人，缺人才」。聽到嚟句說話，令我對香港有種反思。

50年代開始，香港的經濟發展來源主要係服務美國。二次世界大戰後的美國處於一個快速增長的里程，當年的香港因為經歷完世界大戰之後，人工低賤。因此，當年我地能夠以低成本的工業來支撐香港的經濟，出口美國。

60年代，歐洲亦開始富強起來，而當時國際社會對中國的禁運一直維持到70年代，因此香港仍然能食住個勢，除左服務美國，服務埋歐洲。

70年代起，香港開始服務日本。當年日圓飛升，日本成為世界強國，香港的製造業因此開始轉移到服務日本的大企業。

到80、90年代，香港開始發展金融業。由於中國改革開放的原因，內地供應左大量的廉價勞動人口，好多香港嘅工廠都開始陸續搬返大陸設廠。香港本土嘅工業經濟支柱開始受到動搖。因此，金融業就係當時開始發展的。香港當年撤銷停發銀行牌照的限制，大量引入跨國銀行，以競爭促進發展。

今後嘅香港又係點？其實愈來愈明顯，未來的10年、20年，我地將會以服務中國大陸市場為主要的經濟支柱。做律師的，做banker的，做會計的，做生意的等等朋友，這些年來一定會發覺PRC個account佔比愈來愈大。香港嘅發展史就係服務世界發展得最快嘅國家，然後自己跟住佢做強做大。而當今發展得最快嘅國家就係中國，無論你接唔接受嚟個現實，大趨勢都會係咁走。

在這個「不缺人、缺人才」嘅中國市場裡面，香港人該如何突圍？大陸宜家每年有800萬個大學畢業生誕生，所以我地這張「砂紙」已經唔係話咁吃香。但係，大陸目前的社會氣氛仍然係第一志願走去考公務員（有機會當官），第二志願進入事業編制（政府長工，非公務員）。因為嚟兩個金飯碗、鐵飯碗有機會帶來意想不到的回報，所以人才大部分都走左去搞政治而唔係搞專業。相反，香港的社會氣氛係大部分人才都喜歡搞專業而唔敢搞政治，因為搞專業比較有經濟保障。所以，要服務中國企業走出國際抑或服務國際企業投資中國市場，香港嘅專業服務仍然有優勢。此外，中國企業要順利邁向國際舞台，唔係識講兩句英文就馬上變咗國際級公司，基因都好緊要。香港的international基因仍然係全中國最強最成熟的。所以政府成日話，我地香港要不停強化自己「超級聯繫人」嚟個角色其實係無錯的。

但係只靠專業同international基因係唔夠的。跟同胞合作，一定要懂國情。要懂國情，就緊係要睇我的《80後縱橫》專欄。所以記得 follow 我 Facebook 的「80後縱橫」專頁，緊貼國情呀！嘿嘿！