睇展覽撐廣東歌

廣東歌陪伴港人成長，成就本地流行文化，曾紅遍大江南北，如今氣勢稍為低落，正需要大家支持，時代廣場最近搞咗個「聽廣係好嘢」展覽，回顧廣東歌自上世紀70年代的發展，經歷由黑膠唱片機開始、經過收音機、電視機、卡式機、CD機到上網聽的年代，展出不同年代的音樂播放機讓大家回味一下，更邀請到廣東歌黑膠唱片收藏家，章襄義借出100張私人珍藏唱片展出。

唔講唔記得，《十大中文金曲》即將步入40週年，今次展覽的「金曲40我和你」部分，有一些非常珍貴的展品，重溫顆顆明星的風采，幕幕難忘的片段，細味香港樂壇的點點軌跡。另外，於展覽期間，逢星期六、日下午4時至6時，捐100港元予香港公益金，即可獲書法家現場即席揮筆創作歌詞卡一張。有關展期至9月10日，支持廣東歌的你，記得去捧場啦。