杜如風(Helen)又有新搞作，依家佢身為縱橫遊WWPKG職業旅遊玩家兼節目主持嘅身份，梗係幫縱橫遊再次帶超豪團啦，目的地仍然係日本，明年農曆新年大年初一出發，6日5夜坐日本航空的商務客位，名額只得16位，點解咁少？因為選用東急的16位豪華旅遊巴，及個別餐廳招待名額有限。
杜如風昨日同縱橫遊控股行政總裁袁振寧(左)約傳媒飯局，袁振寧指，日本航空的商務客位只有約24個，可謂一票難求，而整個行程都以盡情享受，及品嚐極致美食為重點。首三天半會在箱根浸溫泉，及享受日本天皇的御用料理，然後就回東京，跟杜如風到最新的潮點購物，當然不少得米芝蓮三星的頂級餐館，更安排團友在郵艇上晚餐。雖然東京的酒店出名細，但縱橫遊特地預訂的高級旅館，團友的每間房都超過一千呎。至於團費，一定起碼六位數，而家未定實，因為要視乎餐廳最後菜單而定，認真均真。
另外，杜如風亦有新旅遊節目推出，叫做《九州攻略》，定於10月14日起，一連四個星期六晚上10時半播出，Helen話，拍攝過程中最深刻為在天草看海豚，「好驚喜啊，周圍有二、三十條海豚，好開心」。而由於船家對海豚習性非常熟識，知道哪個位置較理想，所以幾乎一定睇得到。