金管局等推出金融沙盒供業界使用。(資料圖片)
上年未生第一篇文章叫《這些男人唔可能窮》，圍繞未生舊同學，找回很多舊同學。未生發現有銀行推外幣提款機，在WhatsApp提及，朋友也有意見……
Cyrus：「12種貨幣分3架機，匯率又唔好，有啲貨幣無人拎，又放晒喺中環、尖咀呢啲大行，租好貴，無咩效益，gimmick嘢嚟，我睇唔穿。仲有1間銀行都有，但只有這4種主流。人哋只佔一架機的機位，都叫有數圍，唯一價值可能是吸引外幣存款，等人提錢方便，但啲咁偏的貨幣，真係無咩水位。」
Lam：「銀行成日做嘢都不明所以，以為做咗會發達。我聽過一個project，話做個loans app俾人一打開個app，見到附近邊度有本行loans sales職員，就可搵到人去處理loan case。咁其實搞到咁，不如直接打佢loan熱線仲快。然後有銀行都俾你可以電話影相上載文件，但只有2MB限制，但iPhone亂影張相都超過啦……所以銀行，唔使太花心思想他們做咩。」
Ball：「同事試過，要降低像素先上載到，跟手打來話太濛，最後都是去分行啦。」
Lam：「香港銀行業唔少好low tech，已經唔係講咩好先進的Fintech，簡單一句，與時並進，好多都未做到。但同時你會發現有啲不知所謂project會有老闆話想做。又講個故事，我舊舖有個客，錢太多，放一個account會爆數，最後建議個客，不如分兩個account儲起啲錢？」
Ball：「同過主無分別。你睇大陸嗰啲滴滴打車同香港港島的士質素，我親身體驗過，真是好火滾。」
Lam：「香港唔係唔先進，是政府問題。有錢客好易照顧，俾甜頭就得，無咁易過主，窮客就，sorry，戶口都開唔到。」
Ball：「除非開信用卡啦……」
從以上可見，制約香港Fintech因素是監管當局本身，他們只以防弊心態為主，加上只讓持牌機構推動，因他們新變化開支大，也需重組架構，故傾向一動不如一靜。就算在去年9月，金管局、證監會和保監局推金融沙盒，為創新金融意念提供安全空間試驗，因監管機構維持舊有取態，未生認為只傾向大型公司去嘗試新事物，對小型公司而言，門檻仍觸不可及，創新速度緩慢。近年部分大型銀行為降低監管風險，對部分小型客戶趕盡殺絕。究竟金管局能否容許初創公司用Fintech技術配合政策支持，協助這一批小型客作基本存匯運作，促進金融變革呢！
ADVERTISEMENT
