四四方方的香港大會堂，散發著Bauhaus流派的極簡實用凡風格，帶領公共建築擺脫傳統貴族風格。
一講到大會堂，就會諗起演奏廳。正所謂「……偏偏想起那次幸運回頭，大會堂裡邂逅……」。其實香港大會堂現時係音樂廳唔係演奏廳，好在仲保留到當時最in的風格Bauhaus。
昔日從天星小輪下船後，皇后碼頭、大會堂、皇后像廣場、愛丁堡廣場、戰爭紀念紀念公園，可以讓人心曠神怡散步，繁忙鬧市總有自己透氣的空間。
由昔日未重建嘅𣾀豐銀行前之皇后像廣場，步行至舊高等法院(現時終審法院，前立法會大樓)，行過遮打道到舊香港會，往和平紀念碑落行人隧道，經過大會堂再到低座前的皇后碼頭，曾經係不少情侶漫步談心「兩手輕輕緊扣」嘅重要地標。點解？因為「分分秒秒像是停留停留」嘅「愛丁堡組群」歷史建築就在於此。
環岸之中 包羅萬有
現時的新香港大會堂建於1962年，於五十年代原初由當時香港大學建築學系主任Gordon Brown及其團隊設計，由於預計成本過高，故改由工務局之Ronald Phillips同Allan Fitch接手，而Ronald更會於大會堂的每個十周年紀念，由英國專誠回來香港一次。
大會堂其實唔大，由獨立嘅高座、低座及紀念花園組成。佔地約11萬平方呎，內裡設有圖書館、展覽館、演講室、會議室、文娛廳、音樂廳，甚至連城市電腦售票網及婚姻登記處俱全，炒黃牛之餘都可以「跟你同渡甜蜜甜蜜片段」。
戰火之後 從無到有
大會堂英文名為City Hall，首代於1869年落成，位於現時𣾀豐總行大廈及中國銀行大廈部分位置，名義上按非牟利方式管理，但於殖民地政策管治下只為上流社會政要商賈嘅社交地方，同極其量港督就職典禮中宣誓。隨著社會發展，大會堂有傳因為白蟻困擾，而且失去社交功能而廢置。直到三十年代，旁邊嘅滙豐銀行打算擴展，於是西翼嘅皇家劇院拆卸並且將土地售之。適逢不久日本侵華在即，政府重建大會堂之承諾亦乏人問津，餘下嘅東翼喺香港淪陷之時，更被日軍作俱樂部之用。至戰後1947年中國銀行買入東翼地皮，才喚起社會人士重建之聲，再次選址於當時的海邊作為重建。
分開嘅高低獨立兩座由天橋及紀念花園連接，中央設有十二邊形嘅紀念龕，內裡藏有香港保衛戰，及日佔時期陣亡者名冊，和鑄刻陣亡隊伍之木匾，亦鑲有「英靈不滅、浩氣長存」八字。紀念重要歷史之餘，彷彿香港文化定位由二戰後重新開始，亦將過去只屬上流的功能轉為市政和推廣藝文，當然拍拖睇日落影結婚相係最重要嘅另一功能。
組群之中 遺孤僅有
不論五十年代開始港督履新前，先乘坐專用遊艇Lady Maurine(慕蓮夫人號)經皇后碼頭上岸，在愛丁堡廣場閱兵然後直入大會堂就職儀式；或是立法局、市政局選舉時的點票中心；又或法律年度開啟典禮，都足以證明大會堂代可為代表香港嘅官方場地，亦為每一代藝術家的學習和表演台板、國際大師的交流平台。隨著旁邊天星碼頭的遷址、皇后碼頭之消失、「愛丁堡組群」所剩下之建築遺孤，有幸被列入一級歷史建築而冇被轉眼飄走，不過卻由「瀟瀟颼颼悄悄夜靜無人」而變為龍和道嘅車水馬龍。
愛丁堡組群歷史建築就在於此。
大會堂將當時沒有根的香港文化，重新開始建立。