有人話keep fit要戒食好多嘢，例如出名高卡路里嘅燒味飯。初時Ray都以為係，但出席咗昨日「太興食住瘦秘笈」發布會，卻聽到集團董事兼總經理（太興營運）何小鋒(右3)透露自己每日有一餐係集團新推出嘅低卡燒味飯，成功減咗6磅！連「神奇小子」曹星如(右2)都話呢個低卡燒味飯，同平日餐單嘅卡路里攝取量差唔多。
呢個咁正嘅「食住瘦」低卡燒味飯系列，包括：雞胸飯、雞扒飯、燒肉飯同叉燒飯，卡路里含量平均只有約500千卡。有份設計餐單嘅星級營養師黃凱詩(右1)話，有時食得太清淡反而會對健康造成影響，比如只吃青菜會造成營養不良，所以唔好以為「去皮」或揀選「特瘦」叉燒只是一小改變，只要醒目避開「皮」、「醬汁」和小心計算一餐卡路里攝取量，瘦身一樣可以啖啖肉。嘩，長知識。
適逢5月6日為「國際不節食日」，太興全線分店(銅鑼灣利園、九龍塘又一城及機場分店除外) 將於5月2至4日舉行全民「食住瘦」體驗日，凡堂食惠顧任何飲品，可以港幣1元換購「太興食住瘦秘笈」的其中一款餐品，每間分店每日限量50份，一連三天將售出8,000客。
另外，太興飲食集團董事兼總經理（品牌及企業發展）陳淑芳(左3)話，為鼓勵員工關注健康問題，推出獎勵計劃，只要員工成功減重5%或以上，就獎1000元現金，每半年一次。同時出席昨日儀式仲有My Hero郭偉亮(左2)及「100分女友」唐詩詠（左1）。