係，無錯，除咗按摩有four hands，就連米芝蓮晚宴都有four hands！一次過喺米芝蓮法國餐廳Épure品嘗到兩位星級名廚嘅出品，的確係難忘。兩位名廚分別係主場嘅Épure大廚Nicolas Booutin，同埋作客嘅新加坡Meta Restaurant大廚Sun Kim。見到個名，都略略估到佢係oppa，一見真身，不得了，係擁有韓星笑眼嘅大隻oppa，仲要煮得一手好菜，真心迷人！(我認有同佢selfie)
Sun Kim喺首爾學習法意料理，而佢自己位於新加坡嘅餐廳Meta Restaurant就於上年拎咗米芝蓮，人氣急升。今次嘅四手晚宴，兩位名廚各自呈獻拿手好菜，Sun Kim嘅菜式加入大量亞洲元素，你會食到fine dining版本嘅XO醬大蝦同好多亞洲食材，食落好有親切感(同佢個人一樣)。而Nicolas亦一貫佢嘅風格，總會見到佢最愛嘅白蘑菇同時令白蘆筍。兩位名廚雖然風格各異，但一道緊扣一道嘅菜式，就令人愈食愈期待，愈食愈有驚喜。你問我邊個正啲？咁話晒都係第一次試Sun Kim嘅手勢，點都係佢嘅作品驚喜啲；但又食過Nicolas嘅菜式好幾次，硬係有啲情意結。不如咁啦，打和！ (掌門人mode)
Épure
尖沙咀廣東道3-27號海港城海洋中心4樓403號舖 31858338
ADVERTISEMENT
