土下座最初寫稿時，都會不時提及手機遊戲，畢竟專欄名都係因為自己成為「低頭族」而改(而家都好少咁樣稱呼人啦！個個都係低頭族！)，見最近E3後冇乜新聞，決定推薦一隻吸引唔少YouTuber同直播主玩嘅遊戲《Dungeon Maker》。如果你有好留意App Store排行榜，應會發現呢隻game已經連續成為好多日嘅付費第1名，呢隻其實係Roguelike類型遊戲，Roguelike起源係指八十年代一款名為《Rogue》嘅遊戲，有永久死亡機制、隨機地圖同必須不斷重玩等都係特點，但《Dungeon Maker》就再結合類似守城遊戲嘅規則，加上7隻唔同玩法嘅主角同超過100種怪物組合，每次重玩都有唔同嘅經歷，玩家好易一玩就停唔到！講多無用，你真係試過就明，但記得真係好得閒先好玩！