2018年就快完結，趁今個月Google同Apple都分別宣布平台上面年度最受歡迎嘅遊戲，而iTunes Store嘅公布就好理所當然，在遊戲類型一項，「生存競技」成為咗大贏家！相信好多年輕朋友都知道咩叫「生存競技」遊戲，但大朋友就未會知。呢個熱潮其實係世界性，由《要塞英雄(Fortnite)》及稱為「食雞」嘅《絕地求生(PLAYERUNKNOWN’S BATTLEGROUNDS)》引發，而佢地嘅手機版本，更加同PC版本不分上下，甚至「食雞」嘅手機版遠比PC版受歡迎，可反映到玩家年齡層。雖然話就話呢啲熱潮係由呢兩隻遊戲帶動，但類似嘅手機電競遊戲，早就侵蝕咗遊戲界一段時間，例如《皇室戰爭》同《爐石戰記》等，所以土下座都幾肯定，未來手機電競會愈來愈普及，呢類「生存競技」遊戲只怕有增無減。
ADVERTISEMENT
至抵會員價，名額有限，請火速訂位！
