2019年就快到3月，相信大家都仲係玩緊《BIOHAZARD RE：2》呢隻重磅大作，不過對好似土下座呢啲好怕玩恐怖game嘅心嚟講，其實都算悶咗成個月。唔講大家都等緊年中先出中文版嘅《Kingdom Hearts 3》，近期新作《Jump Force》算係較多朋友支持，雖然遊戲質素一般，但點講都好《少年Jump》IP始終有吸引力。終於由Ubisoft開發嘅皇牌之一《Far Cry：New Dawn》響出稿前正式推出，上集口碑極好，結局玩到全球核爆都相當黐線，今次佢地冇無視呢段「歷史」，直接延續返上集結局，講核災事件嘅17年後，世界由混亂當中復甦，但依然無法無天，玩家扮演倖存者嘅一方，同搶世界資源嘅強盜對抗。土下座響台北遊戲展時已試玩過，玩法同以往《Far Cry》都係大同小異，整體質素都係70分以上，fans可放心支持，就睇下會唔會吸引到新玩家入坑啦！
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。