離乜譜時代

上周與賴汝正兄下午茶，賴兄體育傳媒界名人，自然聊起當日凌晨巴塞大勝紅軍3:0。賴兄說：「那場在屋企不能提的，個仔好撐利物浦呀。」係喎，我家孩子亦然。唔講唔覺，一講就覺，年輕利記擁躉愈來愈多，點解呢？

不可能因為緬懷魯殊、杜格利殊等宿將的光輝歲月，更不可能因為Beatles。

賴兄專業意見認為：「可能他們自幼睇慣爸爸、uncle輩狂捧曼聯，到了青春反叛期，便偏要捧其死敵──利物浦了。」

有道理，九十年代起的曼聯霸業鋪天蓋地，而且被誇大得離譜，簡東拿飛腳踢觀眾，碧咸萬人迷，都無關足球本質，香港一眾強勢男星如李克勤、譚詠麟言必紅魔，物極必反，頗惹新一代厭的，尤其「送禮勤事件」，已成笑柄。

簡單來說，曼聯代表着上一代父權、陳腐、例牌菜、和稀泥；但我還不明白：那何不支持曼城？曼城是近年班霸、今季奪標大熱門，要捧便捧最強，典型舊香港世界仔思維。

連習近平訪英都專程到曼城主場。於是你懂了……

當今後生仔正正唔係咁諗，雞蛋與高牆之間，他們同情在野派。利物浦當然不算弱旅，但多年來的飲恨、欠運、懷才不遇、與冠軍一步之遙，呼應社會缺乏向上游空間，打逆境波。這是一個離乜譜時代，務要挑戰權威。

我敢說，紅軍再次失落英超和歐聯錦標，只會更惹港青疼愛。