2年前Steam有隻10分滿分嘅遊戲叫做《Slay the Spire》，屬於Roguelike類嘅卡牌遊戲，玩家要不斷重玩增值角色，再加強難度挑戰真正故事。最近土下座留意到呢隻Game已正式出咗手機版本啦，不過中文名就變成《尖塔奇兵》。唔好以為成2年前嘅遊戲一定跟唔上時代，皆因呢類遊戲向來都係走「毒性」高、遊戲性強嘅風格，俾你可以重玩又重玩，不斷提升、強化資源之餘，每次遊戲路線同敵人都有唔同變化。縱使坊間已經極多同類型卡牌遊戲，但作為滿分神作，《Slay the Spire》嘅水準絕對唔需要懷疑，而且最初遊戲只有兩個核心角色，慢慢發展到而家嘅四個，而手機版亦係最新版本，雖然遊戲Frame數稍為下降唔夠PC版咁流暢，但同樣非常值得入手！相比起無窮無盡嘅課金遊戲，呢類遊戲嘅遊玩時間閒閒地都超過一百個鐘，土下座喺PC上就已經玩咗一百二十幾個鐘，非常誇張。其實呢類Roguelike卡牌遊戲，喺手機、平板呢啲裝置上會玩得更為方便，每局時間大約一小時，又可以隨時Save，真係正到冇朋友！
ADVERTISEMENT
