今日是陳家樂的正日生日，雖然生日要在工作中渡過，但公司同事在拍攝現場送上足球蛋糕及鮮花，壽星仔坦言很開心︰「今日要拍廣告，不過生日可以開工係一件好開心、好幸福嘅事。因為早大半年好多拍攝工作延期，八月中先開始多番工作。」問到生日如何慶祝，家樂笑說不知甚麼時間可以收工，「其實今日冇特別約實一個慶祝或者飯局，因為都工作緊，都未知幾點收到工，希望趕得切收工食餐飯。」
家樂又特意點名多謝衛詩雅︰「佢早兩日已經同我食咗飯、切咗蛋糕。佢係幾好嘅，每年都同我提早安排好呢啲嘢。」還透露過幾天將會有他跟湯怡的婚嫁系列珠寶廣告推出，提到婚嫁，家樂表示自己對婚姻憧憬，「都會想快啲結 婚㗎，睇到啲相、帶戴嘅首飾係好靚，同埋會幻想有一日同屋企人去經歷呢件事，期待有呢一日完成呢個夢想。」問到是否幻想與連詩雅結婚，他就表示與對方只是好朋友，又避談收工後是否與連詩雅慶祝。
