日前陳百祥(叻哥)到屯門警署為警察打氣時，向在場警務人員提到：「如果我做警務處長就好了，兩個月前已經開了真槍，好快解決。」有關片段在網上隨即瘋傳。
今日香港電台視點31的facebook專頁指明日邀請了叻哥及杜汶澤同場討論社會民情。有關消息公布之後，引來極大迴響，由於二人立場鮮明，阿澤更多次在其網台狠批政府和警察處理手法，及部份藝人的政治立場，網民認為他們明天同場，定必掀起無數粗口或動武畫面，更一度開出賠率猜哪方會勝出。
阿澤在facebook提及事件：「首先，當收到利君雅嘅來電，我承認我係有啲緊張，因為佢始終係我偶像。
之後佢同我講想搵我做「視點31」，話討論嘅對象係幻想自己如果係警務署長就一早開真槍嘅陳百祥，問我有無問題，我就話no 喇！自己脾氣唔係幾好，怕影響到香港電台一貫健康、持平同中立嘅影像。
不過，雖然聽日唔係利君雅做主持，但係既然佢打得比我，我一定會支持佢。
所以我應𠄘咗，做呢個節目。
更加要多謝陳生應約。
至於我睇到港台fb有好多留言，希望我會爆粗甚至動武，我應承咗利小姐，會以禮相待，唔會令佢孭鑊，大家可以死咗條心。
Oh by the way , 如果聽日警察4點想再開記招，我睇不必嘞，因為，根本唔會有人睇。
聽日四點半香港電台電視部吖嘛，收到，我應該唔會去錯咗隔離商台嘅。」