《衝上雲霄大選》其中一個環節，由主持向參賽者提問一些航空界秘聞，常見的問題、傳聞等，當DO姐向從事機艙事務長楊銘熙查問如何upgrade座位，楊銘熙即賣口乖說為大家帶來「BIG BIG TIPS」︰「要揀大時大節，因為一定會超賣，要提早ONLINE CHECK-IN，話比AIRLINE知你係坐呢班機，當然要成為專貴會員，就好似尊貴嘅DO姐咁。」令全場歡呼，就連DO 姐都忍不住大叫。
有從事地勤或航空界的網民就指無綫這樣儼如大揭秘，尤其是教人upgrade座位，隨時令前線人員工作大增，「平時已經好多人要求啦，咁搞想累死啲地勤咩？」亦有人認為參賽者離開公司大揭航空秘密，做法太高調，擔憂日後未必有航空公司會考慮聘用他們。
楊銘熙過去多次參加花車巡遊，又賣口乖，相信加入無綫後，備受重用。