張繼聰得知要再隔離多7天，搖頭表示：有少少想喊。(IG圖片)
張繼聰女兒模仿他動作，喊Daddy，「加油」。(IG圖片)
張繼聰目前身在澳門的酒店接受隔離，在昨日冬至來到第11天，尚有3天便完成14天隔離，詎料澳門政府當晚宣布現正在澳門隔離的旅客，須即時延長隔離期至21天，張繼聰在IG上載搖頭短片，留言：「個感覺就好似跑10K ，差唔多到終點，先發現原來自己報咗半馬....好彩我心理質素夠強大，完全唔驚，係有少少想喊啫，#隔離 #14+7。」身為人父的張繼聰幸有愛女隔空打氣，今午他在IG上載女兒模仿他搖頭摸鼻的照片和聲帶，囡囡說：「Daddy加油呀，Yes﹗」阿聰留言：「妺妹睇到我尋晚嘅post嘅反應 #滿血復活」
周秀娜在IG限時動態留言：「我崩潰了...此刻想咬人。」
身在澳門與張繼聰屬「隔離鄰舍」的周秀娜，則在他貼文下留言，「唔係少少，已經喊咗。」娜姐又在IG 限時動態留言：「我崩潰了...此刻想咬人。」