Ad Block Ad Block
娛樂
2021-10-10 14:55:00

中國好聲音2021| 李克勤兩隊員打入五強 繼續發威

分享:
五強佔兩席位,認真威水。

五強佔兩席位,認真威水。

內地音樂選秀節目《中國好聲音2021》,日前進行五強爭霸戰,李克勤任導師的一組,是唯一一隊有兩名隊員進賽。克勤一組的兩位學員伍珂玥、賀三均成功擠身最後五強,其中伍珂玥更獲得全場最高分數。克勤除了為她們高興,亦表示非常滿意學員表現,特別是伍珂玥,當晚一戰是以往多場賽事中最好的一場;至於賀三的歌路則帶點搖滾,比較小眾,克勤坦言對此十分緊張。

由《聲夢傳奇》到《中國好聲音》,克勤所帶領的學員均表現出色。

由《聲夢傳奇》到《中國好聲音》,克勤所帶領的學員均表現出色。

克勤與學員多溝通成致勝關鍵

問到是晚致勝關鍵?克勤自言是四位導師當中資歷最淺,唯有將勤補拙:「我絕大部份時間都係畀咗『好聲音』,冇離開過戰場,可能因為咁樣,所以多咗時間同學員相處,大家多咗溝通。當最重要嘅一環係贏在運氣。我覺得運氣喺呢啲比賽裏面,尤其去到最後階段係好重要,每一位學員嘅實力大家係有目共睹,或者整體嚟講每個學員嘅表現啱唔啱五十一位評判嘅胃口,同幾百個現場觀眾嘅胃口,呢樣嘢係冇人可以控制得到,所以多多少少都係要有運氣,可能今晚我哋嘅運氣係特別好。」

平常心面對決賽

對於下周的決賽,克勤雖然表示有信心,但亦謂用平常心對待:「五個席位入面我哋佔咗兩個亦都唔見得有特別大嘅優勢,其實都係個別嘅比賽,所以盡做啦,盡量㨂啲大家喜歡嘅歌。因為決賽係現場直播,所以亦都好睇臨場發揮,希望兩位學員下個禮拜嘅發揮會係佢哋嘅水準,因為始終直播嘅時候,大家嘅心理壓力又會大啲,緊張啲,乜嘢事情都可以發生。所以分分鐘可能邊個失誤比較少就贏㗎啦,臨場發揮啦,天時地利人和,平常心去面對。」

請接受以下私隱政策及免責聲明,以示你同意am730內之私隱政策及免責聲明。了解更多
接受