MIRROR昨日出席活動吸引過百fans聚集旺角。
MIRROR成員姜濤被指與《YOLO的練習曲》其中一位女團成員黃曉文(Candy)撻著，並在情人節前夕結伴夜遊中環荷李活道，他們更前後腳在一個地方打卡。昨日姜濤出席活動時，否認與Candy拍拖。
姜濤與隊友昨日到旺角出席活動，問到與Candy的關係，他否認拍拖︰「係一個誤會，我都係睇報道先知佢嗰日都有行嗰度。嗰日我係跑步，經過每個地方我都會打卡，所以產生咗誤會，唔好意思。」他表示跟陳卓賢(Ian)一齊拍微電影而認識Candy，但承認閒時會在IG傾幾句。提到曾志偉致電邀他到無綫亮相，姜濤表示完全不知情，歡迎任何表演機會，但不會主動爭取到無綫，倒會主力爭取做好音樂的事。
有指Candy與姜濤拍拖，但很快分手。
姜濤否認緋聞，但稱閒時會與Candy閒聊。
爆公司限制追蹤
對於Ian取消關注Candy，Ian說︰「一嚟係異性，私下又冇乜聯絡，嗰時做嘢就禮貌上follow，對於佢日常嘅動態又唔係好想知，所以就unfollow佢。」姜濤聞言答道︰「我哋follow邊個，都唔係我哋自己決定，係公司……」花姐即時為他解畫︰「一定要follow我囉！」隊長Lokman也解圍說︰「以前未出道嘅時候都會follow好多人，但做咗公眾人物嘅時候真係唔方便，有啲真係要斬立決，好似新年大掃除咁，炮竹一聲除舊歲。」