王馨平、岑麗香和林漪娸今日出席活動。
岑麗香今日出席活動並分享扮靚心得，稱每月會抽兩小時做按摩，平日會勤力護膚。她笑言大仔Jacob有樣學樣︰「有次整杯沙冰俾大仔飲，佢拎嚟搽面，可能佢平時睇我哋做嘅嘢，學我學我搽護膚品。」
她表示最近學識剪片，把平日拍下的小朋友片段，剪輯後便送給屋企人，並指暫時會多放點時間在家庭上。提到大仔開始上學，她坦言自己很眼淺，送囝囝返學的重任交由老公負責，自己則接放學。她又指現時向其他媽媽請教，希望可以培育囝囝成為一個有愛心同乖的人。她拒絕做怪獸家長，希望小朋友可以在健康快樂的環境成長，發揮所長。
岑麗香表示現時以家庭為上。