Ad Block Ad Block
娛樂
2021-10-07 21:36:00

性幻想對象是林雪 盧覓雪自爆三圍數子

分享:
看見越南鴨仔蛋後,即報自己三圍數字。

看見越南鴨仔蛋後,即報自己三圍數字。

盧覓雪接受林柏希的網上節目《月傾會》訪問,正為11月兩場棟篤笑備戰的盧覓雪,自言要跳出舒適圈,「棟篤笑我係完全未做過㗎,我依家都知道係攞苦嚟辛嘅,但係如果作為一個藝人,你係要嘗試一啲唔同嘅嘢,人唔可以永遠都喺自己個comfort zone!」

盧覓雪即將舉行兩場棟篤笑,樸飛趁早。

盧覓雪即將舉行兩場棟篤笑,樸飛趁早。

暗戀對象貌似阿Lam林子祥

問盧覓雪覺得自己有甚麼吸引人,她搞笑咁講,「梗係靚女㗎啦,同埋身材啦!」之後認真回筒,「覺得最主要係本身《晴朗》好多粉絲,我曾經做過又離開咗,咁多年後我再返去,難得嘅就係林海峰都仲喺度,冇林海峰,個節目都冇咗㗎喇我相信!」

談到「雪雪的愛情」,57歲的盧覓雪苦笑道:「真係蒼白,啲人成日問我,唉,乏善足陳都唔好意思講,真係有咩好講!」問她幾多歲初戀:「我覺得所有嘅初戀都係單戀!」又自爆人生第一個單戀對象,是一位外貌好像阿Lam林子祥的大哥哥,「一個我家姐啲朋友個朋友嗰類啦,大哥哥,嗰個大哥哥其實簡單啲形容呢,就係好似阿Lam咁嘅樣,林子祥咁㗎!」

現正單身嘅雪雪,錯過結婚生兒育女時機有冇遺憾?佢話:「冇得後悔㗎,呢個世界冇如果㗎!依家我兩隻貓,不知幾咁可愛,我都做緊阿媽㗎!」

盧覓雪稱幻想對象是林雪時,與主持笑過不停。

盧覓雪稱幻想對象是林雪時,與主持笑過不停。

上圍C級 40吋下圍

訪問重頭環節遊戲《大膽答 冇膽食》,盧覓雪不敢回答,要食越南空運而來的鴨仔蛋。她一見鴨仔蛋,即說:「睇見都驚。」稱一定會答晒啲所有問題,所以林柏希問她三圍數字時,她即刻回答:「我真係唔係好掌握到自己三圍數字,cup數我記得嘅,因為我瘦咗之後,依家係C級啫!我依家都唔係好sure 36定38(上圍)咁啦,腰呀,我諗32咁上下啦,籮柚應該40!」

最後林伯希問她有否和圈中人拍過拖,及於任何公眾人物裡選一位性幻想對象,她續話:「冇啦啦點會有,你要記住,梁朝偉會唔會追我吖?」林柏希抵死回應:「咁圈中人都可以係羅莽嘅!」她即刻爆笑稱,「咁我又識唔到羅莽,我同林雪好好感情,OK,我會鍾意林雪囉如果係!」兩人即笑到收唔到口!

請接受以下私隱政策及免責聲明,以示你同意am730內之私隱政策及免責聲明。了解更多
接受