Ad Block Ad Block
娛樂
2021-09-09 15:20:00

愛處男姜濤 七仙羽:陳冠希淫邪

分享:
七師傅接受林柏希訪問。

七師傅接受林柏希訪問。

DJ林柏希(William)主持的節目《月傾會》,首集嘉賓請來近期hit爆的七仙羽(七師傅)。講到她的老外男友Gerald,問她怕不怕男友偷食,七師傅竟然話唔擔心:「我錢咁多……我好信任,我從來唔睇人電話,我從來唔會話去跟蹤,我覺得需要俾返人一啲自由,同埋就算啲男人偷食都係OK㗎!」果然大方呀!Gerald識做啦!講完男友,七師傅話最多人找她斬小三作法,師傅有求必應,仲話一定會幫大婆斬小三!

七師傅:我係處女

問七師傅從她最愛的MIRROR 12子中,選出誰是老公、男朋友和一夜情對象人選。揀老公,師傅毫不猶疑揀了姜B,「姜濤,因為佢係處男,我係處女!」男朋友呢?「我要Frankie!好靚仔呀,追求MIRROR梗係貪靚仔啦,隻隻都靚仔!」至於一夜情對手,師傅就選擇了Anson Kong,「因為佢令到人產生到慾念,好陽光,皮膚又好黑,手瓜好強壯!」AK似乎要攻破下師傅座冰山喎!

七師傅自言永遠的18歲

大膽敢言的七師傅全部問題過關,更在節目中首度公開身份證,七仙羽原名叫「趙玲」,至於女人的年齡秘密,師傅就話自己是永遠的18歲,仲笑認自己仍是處女之身,冰山仲未被人攻破!成日在《鬼同妳上位》話人淫邪的師傅,問她圈中男女誰最淫邪,師傅秒答:「陳冠希就係(淫邪)囉,佢可能並唔係真係咁需要,反而可能係一種心理問題!」

相關新聞:

林鍾大戰|搵七仙羽現場作法 林作︰輸咗賴麥玲玲

獲七仙羽加持 P1X3L推新歌《Oh My God》獲網民力讚

請接受以下私隱政策及免責聲明,以示你同意am730內之私隱政策及免責聲明。了解更多
接受