程美段因為這件緊身Tee，被網民以「車厘龜」稱呼。
杜汶澤網台節目《為何深夜總是餓》，曾找來程美段合作演出。不過近日就爆出程美段被阿澤拖糧事件，阿澤在Facebook承認公司同事疏忽，但不明白為何程美段不直接向他了解，反而自己跟記者透露，認為她博見報。阿澤更寸爆謂︰「以你博見報嘅能力，我相信你以後都會好成功！到時彈起咗，有乜用得着細佬，即管開聲吩咐我！」
程美段公開與豪仔的對話，但入數紙印刷問題，搞到大家都誤以為4月4日已過數。
阿澤就拖糧一事向負責同事了解，直認同事處理手法離譜，並謂︰「我作為公司CEO，責無旁貸！就於呢件事我再一次向程小姐道歉！」同時提醒同業小心程美段，因為「就算佢有你電話都好，有乜問題，佢都係同記者講咗先！」
事後程美段圖文並茂反駁，指在1月22日為對方網台完成所有集數拍攝之後，直至4月仍未收到工資，更因此向阿澤的員工豪仔查詢，但久未得到對方回覆。她表示明白對方是重要成員，忙碌是人之常情。她寫道︰「工作太多，有時揀WhatsApp去覆都係人之常情……如果長達兩個星期入面嘅查詢只係得到一次回覆，焦慮都係一個人之常情。」對於阿澤指她沒有直接跟他了解出糧，程美段謂︰「一直同我聯絡嘅係豪仔，我諗唔到原因要直接搵杜生去講，就如之前所講，我向記者所交代嘅近況係包括所有動向，呢一次嘅事只係屬於其中之一，我無必要刻意唔講，由一月到今日已三個月我亦無刻意張揚。」
