楊潮凱真係好開心。
楊潮凱昨日笑到四萬咁口，並手持有梁朝偉簽名的《一代宗師》黑膠唱片封面套。他在照片留言說︰「你哋係唔會明白我有幾興奮！係梁朝偉嘅親筆簽名呀！係梁朝偉嘅親筆簽名呀！係梁朝偉嘅親筆簽名呀！重要嘅事講三次！真係激動到想喊呀！」而他興奮的心情直至今日仍未停下來，並大玩最近大熱的Avatarify App，他說︰「為咗延續我昨天的興奮，我決定高歌一曲，俾大家可以感受到我嘅喜悅，希望大家會喜歡！」
有埋上款，不得了！
他又感謝陳家樂與他的同事幫忙，並特別點名多謝袁偉豪。陳家樂最近與梁朝偉、劉德華兩大影帝合作電影《金手指》，自然有機會幫潮凱向梁朝偉索取簽名。不過，為何特別提到袁偉豪呢？潮凱回覆稱︰「之前有人送咗隻同樣嘅黑膠碟俾阿Ben(袁偉豪)，亦都有梁朝偉簽名，我好羨慕！一來我喜歡梁朝偉，二來我好鍾意《一代宗師》呢套戲！佢啟發咗我，不如買一隻試下俾梁朝偉簽名。我知道陳家樂會同梁朝偉拍戲，所以我最膽粗粗問佢可唔可以幫我，家樂真係唔話得，之後我就買隻碟拎俾佢搵朝偉簽，極度開心！特別鳴謝陳家樂同阿Ben。」