原本秋生今日會到港台就「正義．良知」與何君堯進行辯論，但秋生是日諸事不順，外父離世及手指公遇刀傷，令他未能赴會。不過，秋生仍選擇隔空與對方過招，直言「正義．良知」根本不能在短短45分鐘簡單說完。秋生謂︰「正義．良知係每個人同每個地方都有唔同，相信何生佢都有佢嘅正義同良知，即係我嘅飯，係你嘅糞便，你所謂嘅糞便，係佢嘅飯。大家理解同認知唔同，好難45分鐘討論完。」
提到721元朗事件，秋生說︰「警方就算話冇參與，大家都會懷疑佢哋係咪縱容呢件事發生，咁多人懷疑，政府係有必要調查。我唔敢講所有警察都係壞人。」他又以在醫院遇到的警察為例，指他所遇的非常禮貌，他坦言自己十分討厭戴口罩，只是警察派給他才帶。他續說︰「正正因為唔係個個警察係咁，大家見到咁多警察暴力同異常行徑，係更加需要去調查，睇下有啲乜嘢超越咗佢哋嘅職責。」他又指因為制度出問題，認為有人默許部份警察的行徑，所以才出現大落差。他指過往不少畫面都拍到警察行為異常，認為那些警員的能力未必可以再執行職務，會影響正常的同袍。
問到秋生有沒有說話跟香港人說，他說︰「我時常諗起第二次世界大戰，大家每日都預備被德軍大轟炸，但英國人係如常咁生活，應該返工就返工，上學就上學，要展望未來，有人嘅地方就有希望，我對香港人有信心。每個人睇同一件事都有反差，黑同白，中間有好多灰色地帶。有啲人好刻意睇唔到某啲嘢，有啲人就以為自己睇到某啲嘢，但佢唔係睇得太清晰，總之大家心入面知道，守護緊香港人嘅價值。」
