黎明(Leon)紅館演唱會第八場昨晚舉行，今場嘉賓是張敬軒，兩人都是「早餐界」的代表人物。Leon有「唔可以空肚食早餐」經典金句，軒仔則經常分享家傭獨特廚藝：「屋企請咗個十分優秀嘅家務助理。」兩人台上講早餐笑話，引來粉絲大笑。Leon表示爸媽分別是南方和北方人。軒仔爸媽就調轉，他笑說：「我哋都係南北方嘅混血兒。」身為黎明忠粉的軒仔話：「我2002年入行，每當有人提到黎明，大家都話『佢真係好好人。』的確，Leon係我遇過、相處過最體貼嘅人。」
黎明歌曲好甜
早餐論後，軒仔興奮說：「今日好開心，我無諗過可以企喺黎明嘅舞台，好神奇。前奏一響起，就好似坐上時光機，返去最開心最快樂嘅時代，令到我哋可以喺呢個美好回憶當中嘗到一點甜。」軒仔仲話黎明的歌曲好甜，兩人隨即合唱《我的親愛》。前奏響起全場歡呼，樂迷邊跳邊唱「Sayonara o Sayonara o」。
