Ad Block Ad Block
娛樂
2017-04-23 16:39:00

【即時娛樂】無綫演員曾守明 廣州登台猝死 

分享:

無綫資深演員曾守明,昨在廣州登台時暈倒,送醫急救無效,終年58歲。入行超過30年嘅曾守明,平時鍾意玩車,佢嘅車友喺通訊群組傳出佢嘅死訊。友人稱,佢出事時喺廣州,登台期間暈倒,藝人黃建東亦喺fb證實其死訊,他回覆記者:「同事傳嚟訊息,話佢今晚喺廣州登台唱咗半首歌就暈倒,送到醫院搶救一個小時就走咗。」曾守明因外貌正氣,又曾任職輔警多年,所以經常飾演與警察相關嘅角色,期間亦參與唔少電影演出,其中最令人印象深刻的,就係喺周星馳電影《國產凌凌溙》中,飾演持槍悍匪「湖南仔」一角。
身兼保安公司老闆及演員的曾守明,身形一向高大圓潤,前年因心臟血管出問題而暴瘦,休息3個月,接受手術休養後復工,前幾日佢朋友餐廳開張,佢仲現身力撐,當時精神唔錯,估唔到幾日後就發生憾事,不少好友對其死訊均表示愕然。

請接受以下私隱政策及免責聲明,以示你同意am730內之私隱政策及免責聲明。了解更多
接受