Ad Block Ad Block
娛樂
2021-01-27 16:03:00

借錢唔還但有錢請工人 張致恒向債主道歉

分享:
張致恒不時在IG表示努力搵錢,但被指借錢不還。

張致恒不時在IG表示努力搵錢,但被指借錢不還。

負面新聞多多的張致恒,工作量大減,更曾向關智斌及鄭希怡借10萬應急。雖然張致恒過去在IG表示自己努力工作賺錢養家,但卻被傳媒揭發他向不少圈中人借錢,債主包括有林盛斌、張彥博等,其中o靚模馮鎵瀠(Naomi)更在社交平台開PO暗寸張致恒有錢請工人兼買電器,希望欠她錢的人還錢。據了解,Naomi曾借了5萬元給張致恒,更指教會也有不少人向他借出兩千元。

Naomi在IG出PO追數,原來其中一位債仔係張致恒。

Naomi在IG出PO追數,原來其中一位債仔係張致恒。

被指借錢不還的張致恒在IG出PO,向債主們道歉和解釋。他指自己因為做錯事,導致當時零收入,於是四出向朋友借錢,但自己所賺的不及家庭支出,暫時無法償還欠款。他說︰「我亦都試過搵過好多工做過好多唔同嘅行業,因為疫情影響底下被炒過好多次,我有努力工作搵錢,希望可以支撐到屋企之餘仲可以還到錢俾朋友,但係而家嘅路實在太難行,工作完嘅收入都唔夠屋企開支,想淨少少錢還俾朋友都唔得,令到有好多朋友都好唔開心,我喺度要同所有借過錢俾我嘅朋友道歉,一直以來我都還唔到錢俾你地真係對唔住,喺嚟緊嘅日子我一定會盡力去工作還錢俾你哋!」

張致恒表示在疫情下不停被人炒魷。

張致恒表示在疫情下不停被人炒魷。

他又指早兩年前已請了工人姐姐,太太口中的電器是用積分換回來,小朋友的衣服及玩具大多由朋友所贈,又指因為養了3隻狗,所以無法與家人同住屋邨。他稱照顧家庭的壓力非常大,希望大家可以給予時間、機會,並承諾自己會好好做人,不再令大家失望。

請接受以下私隱政策及免責聲明,以示你同意am730內之私隱政策及免責聲明。了解更多
接受