志偉感謝寶蓮寺的大師協助，完成亡妻遺願。
曾志偉太太朱錫珍於本月3日病逝，家人按照其意願，低調處理喪事。昨日曾家現身大嶼山寶蓮寺為朱錫珍進行法事及火化。志偉及囝囝曾國祥完成儀式後接受訪問，志偉表示一切按照亡妻的遺願低調處理喪事。
朱錫珍為人低調，甚少出席公眾場合。
曾國祥透露母親生前希望可以海葬︰「佢一路都話一切從簡，會擇日進行海葬。」志偉續稱家人對太太的離世已有心理準備︰「對佢嚟講已經有一個充分嘅心理準備，我哋亦都係，所以對我哋都唔算太突然，對佢嚟講都唔需要再痛苦，呢個過程裡面我哋最想嘅就係唔想佢有痛苦。(係患咩癌？)都有好多種。」問到志偉的心情，他說︰「唔捨得係必然，呢個係人生，屋企人都係佛徒，對生死大家都已經有個概念，生前已經將呢件事講得好清。」
電影獎項贈母親
曾國祥憑《少年的你》獲得多個獎項，問到是否算是給母親的最後禮物，他說︰「希望係啦，當時與媽咪在醫院看直播，當宣布得獎嘅時候，她非常開心，我一直都話希望呢一份係我畀佢有史以來最好嘅母親節禮物，好感恩有呢個機會畀佢睇到我仲有少少嘅成果。」