欣宜大晒舞功 扭腿趷籮show五爪金龍勁霸氣

欣宜相隔七年再炮製強勁節奏跳舞歌《@princejoyce》，MV見到欣宜大晒舞功，舞技絕不輸蝕給一眾dancer。她說︰「每一個單位都係我親自搵返嚟，所以埋位之前大家都好緊張，幸好大家都非常專業，所以拍攝當天好順利。當然最幸運係搵到一位好勁嘅排舞師，跳舞歌一定跳到飛起，排舞師好犀利，令到唔係專業 dancer 嘅我跳得似模似樣。希望大家聽到呢首歌，都會覺得朝氣勃勃，好有力量好積極好有自信，新嘅一年龍精虎猛啦！」

為配合新歌舞動節奏，製作團隊更為 Joyce 設計多款閃亮舞衣，Joyce 手上的「五爪金龍」水晶長指甲更聲色奪人。Joyce說：「我同公司都一直想搵一首節奏好勁好有氣氛可以打響2021頭炮嘅歌，咁《@princejoyce》呢首歌就係啦，首歌好有態度好有氣氛，我一直都想好想製造一種感覺，係唔使理會別人點睇你，I follow Me ! 跟隨自己感覺。」