![「大時代殺人事件」有周柏豪、鄭融加入。](https://cdn.am730.com.hk/s3fs-public/styles/article_image/public/news_image/1623849091_GB.jpg?itok=4dBQW_dZ)
「大時代殺人事件」有周柏豪、鄭融加入。
無綫燒腦綜藝節目《死因有可疑》今晚將會揭曉「校園幽靈殺人事件」真兇,並會播出第二個單元「大時代殺人事件」,演出除了方力申、游嘉欣、郭子豪及張秀文外,還有周柏豪及鄭融。鄭融雖然鮮有綜藝經驗,但卻非常搶戲,飾演情婦的她除了以超浮誇演技帶出喜感,更成為「爆肚金句王」,並經常「突破盲點」找到疑點,炒熱氣氛。
![劇組刻意搭建了一所「圓形屋」。](https://cdn.am730.com.hk/s3fs-public/styles/article_image/public/news_image/1623849095_Qx.jpg?itok=dHfZsLRZ)
劇組刻意搭建了一所「圓形屋」。
據知第二個單元人物關係與案情更為錯綜複雜,為了配合劇情,劇組還刻意搭建了一所「圓形屋」,導演Marcus謂:「因為個劇情需要間屋係咁嘅形狀,喺外面好難搵到,所以就索性搭出嚟。」
![飾演情婦的鄭融表情好豐富](https://cdn.am730.com.hk/s3fs-public/styles/article_image/public/news_image/1623849083_w7.jpg?itok=Jb99MR9I)
飾演情婦的鄭融表情好豐富
提到參與的藝人對場景、角色並不熟悉而遭人詬病,方力申受訪時逐一解畫:「大家係特登跳出個角色嚟拍,因為想多啲綜藝感同埋想觀眾覺得真係同我哋一齊玩緊遊戲。其實個拍攝係好認真,淨係道具都超過200件,好多係人手做,我好欣賞佢哋咁認真。同埋我哋每個人收到嘅劇本都只有兩頁,得劇情簡介同角色設定,好多對白都係睇吓搜證搜到乜再臨場爆肚,導演係想我哋連自己角色嘅細節都唔清楚,佢覺得咁樣刺激啲。」首集個案於翡翠台播映完畢後,該個單元的完整版本將會放上網讓觀眾重溫,務求大家看得更過癮及一氣呵成。