黃德斌、MIRROR成員呂爵安(Edan)、盧瀚霆(Anson Lo)及邱士縉(Stanley)等昨日為港版《大叔的愛》拍攝海報。德斌於下周五生日，大會送上生日蛋糕，Edan更作狀獻吻，嚇到德斌毛管戙。
德斌直言非常尷尬，又指不敢看劇集︰「我都好想睇，但又唔敢睇，我又未試過呢個演繹，唔知效果係點，希望觀眾開心。」他表示沒有咀戲，但有親密氣氛，更搞笑說︰「嗰種親密係你估都估唔到！共處一室，廚房又有，廁所又有啦！」
Edan透露德斌在劇中有親他的面珠，並指二人的對手戲非常好笑，他的角色處於欲拒還迎。Anson Lo則謂︰「佢好識利用人，阿牧就好慘！喺奪劇入面俾佢利用咗成年！」Edan笑言自己仍未抽離角色，埋怨Anson Lo對他冷淡不少，「佢以前成日WhatsApp我，依家都唔理我！MIRROR有活動都唔理我，淨係黐柳應廷（Jer）。」Anson Lo即謂︰「咁錫返囉！」Edan聞言拒絕︰「我出咗戲啦！」
Edan與Anson Lo希望可以再拍續集或拍成電影，若能與日本的演員見面更開心，但又擔心大家的演技被比下去。」