Ad Block Ad Block
娛樂
2019-06-18 22:05:00

練出胸肌 蘇永康開騷拒除衫

分享:

蘇永康一連兩場演唱會於本周五開鑼,阿公表示近日一直在密室跟過百高手彩排。今次阿公玩中、西樂大合奏,他表示聽到一首首重新編曲的首本名曲,令他感動不矣,「真係諗唔到一聽音樂起,竟然令我找回當初為熱愛唱歌,熱愛音樂的那份初心,有幾首歌真係個心都震埋,非常震憾,迫不及待想同大家分享今次成果。」

為了演唱會,阿公亦積極減肥修身,日夜操練之下減了二十多磅,「真係練到胸肌都有埋,不過大家唔駛擔心,我唔會唔著衫出來嚇人,哈哈。其實練身都係對自己的健康負責任,希望有最好的體能上場。」他表示過往開騷都因為壓力大,搞到口唇邊生粒粒,今次就沒有。

問到他剛剛的父親節如何渡過?阿公話成個父親節都要做足24小時揍仔公,「老婆出差唔係香港,剩番我一個,邊個同我慶祝喎,我咪24小時係屋企揍仔囉,唔係邊個幫我睇住佢,父親節我估要等到我個仔再過多兩年啦,識得做下手功仔,我估我先開始真正得到個仔送禮物比我啦。」

請接受以下私隱政策及免責聲明,以示你同意am730內之私隱政策及免責聲明。了解更多
接受