羅力威與雨僑的B女Harper於8月出世，BB令他們二人成長了不少。
羅力威與雨僑的B女Harper於8月出世，雨僑在囡囡滿100日寫文分享做新手媽媽的辛酸，羅力威於昨日也在社交平台分享做爸爸的感受，更坦言自己可能患上產後抑鬱，幸好現時情況已經好轉，學會見招拆招。
羅力威坦言曾對囡囡的喊聲反感。
羅力威透露是從太太口中得知自己疑有產後抑鬱︰「對喊聲好反感，同唔理智嘅人(BB)溝通唔到嘅時候，而你無地方發洩，因為你連鬧交都無對手，而咁簡單嘅食奶瞓覺道理點解唔明。」幸好他得到家人的幫忙及透過彈琴令自己的情緒得到發洩，最後更勉勵其他新手爸爸︰「唔好覺得湊B感到沮喪失敗，因為最後見到個B望住你笑，也就是場仗大獲全勝之時。」
羅力威說︰「最後見到個B望住你笑，也就是場仗大獲全勝之時。」
雨僑亦在自己的社交平台表示爸爸也是需要關注的一群，她說︰「一段時間我真係好驚佢有産後抑鬱，因為BB嘈到佢要走落樓下呆企踱步，心煩失眠脾氣暴躁。由最溫柔最細心的人，變得照顧唔到人兼照顧唔到自己。其實爸爸對於屋企突然多咗個BB，都係一個幾大嘅轉變，需要時間適應。」她又為各位爸爸打氣說︰「爸爸們加油！我哋做媽媽嘅只可以更溫柔更包容，亦都要你哋包容吓我哋，因為有時真係會唔記得嘢，做錯嘢。」