裕美昨日現身網上音樂會，她指男友林作五音不全，歌聲似細路仔，投訴他不夠man，但大讚林作有內涵，能給予安全感。提到早前林作打首場業餘賽以一分輸給對手，她表示林作拉傷了頸部及手臂肌肉，但自己未有心痛，笑言「平時都想打佢」，問到林作有沒有當她沙包時，她說︰「佢試吓打我呀，我實打死佢，佢唔敢撩我，因為佢話我仲要養佢。」
她自言收入高過林作幾倍，又指林媽媽得知林作與她拍拖之後，便cut了林作的信用卡。裕美表示每次出街都是由她比錢，「佢好孤寒，成日出街食飯話無現金，如果係佢比先，就一定要我比番佢。」她又表示每月給予林作5位數字「零用錢」︰「我做生意搵佢做法律顧問，我當出份糧比佢，當投資或者將來喺佢身上掠一筆。」她認為林作的性格遺傳至林媽媽︰「佢媽咪係好捨得，可能用幾百萬買名牌手袋，但搭的士找少兩蚊都要攞返，可能都係有錢人特質！」
全新網購平台MAMA730登場，購物由此進︰https://mama730.com/