《調教你MIRROR》於明晚播出,MIRROR 11位成員、梁祖堯及經理人花姐今日出席記招。花姐笑言MIRROR經調教之後,擔心他們會一同對抗自己,而其他隊員則認為「調教」之後更了解及體諒隊友。MIRROR受訪時表示曾試過集體對抗花姐,Ian說︰「有次拍MV,想爭取拍一啲嘢,佢一下好權威性,壓倒性,最後我哋都唔成功。」Stanley表示花姐每次都會讓他們嘗試,但只會用回最初的版本。
大家又異口同聲指阿Jer最貪靚,與阿Jer同房的姜濤指他提早半小時起身化妝,Anson Lo及 Jeremy大爆阿Jer向他們借遮瑕膏和髮尾油。阿Jer就笑謂︰「有暗瘡要遮少少。」
姜濤表示看過少少片段之後,擔心大家會被他的肥樣嚇親︰「嘩,大家要有心理準備大家都係素顏。我冇磅重,係肉眼可見嘅變化,有啲絕望。」Jer爆姜濤食三、四包薯片,姜濤謂︰「你冇資格話我!」Stanley及Ian就指Jer自己都有份吃。
Anson Kong希望疫情過後,他們可以出埠拍攝,近則想東南亞,遠則會到有「葡萄汁」的地方,又笑謂若穿泳褲,屆時會上身穿T恤。