《2021香港小姐競選》決賽將於本月12日晚上8時30分在將軍澳電視廣播城隆重舉行。今日大會發布12位佳麗的場刊造型照片,她們以色彩繽紛的飄逸仙氣Look示人,各有美態。
《2021香港小姐競選》形象監督陳惠英(Karen)受訪時透露,相關造型早於五月時與副總經理(綜藝、音樂製作及目節目)曾志偉開會時已著手籌備及構思:「曾生話想打造番傳統嘅香港小姐,除咗想帶出經典嘅感覺,亦都希望大家一眼望落去會覺得個個女仔都好靚。」
Karen指由於12強佳麗平均較年青,年紀最少的更只有18歲,故設計造型時以彩色為主,以配合眾佳麗年青活潑的特色:「我哋設計到件衫只要一伸手,就好似蝴蝶展翅一樣,有美感之餘,亦都代表住個個佳麗都經歷咗華麗嘅蛻變,從而展開新嘅人生。」Karen又大讚是屆佳麗位位都是衣架子:「佢哋身形比例好好,所以Carry得啲造型好靚。」