湯洛雯、蕭正楠等昨日為劇集《一笑渡凡間》宣傳,她更不忘為男友馬國明的《寶寶大過天》宣傳,呼籲大家現可「直落」看兩部劇集。
湯洛雯稱拍攝《一笑渡凡間》時,《寶寶大過天》亦是同一時間開拍,所以她有空的時候,會過去探班。她大爆馬明與小演員相處有麻煩︰「見到香香(岑麗香)同馬明湊BB乸手唔成勢,但香香好啲。」她表示暫未看馬明主演的劇集,笑謂︰「可能睇完激到我唔想生BB,哈哈。」
冇後台靠自己
提到新一屆港姐首輪面試有關禮傑的囡囡,靚湯表示沒有留意,她又以過來人身份勉勵對方︰「我當年都係有『星二代』嘅稱號,好大壓力,搞到冇晒自信,要放鬆心情。」她續指自己是沒有後台的人辦︰「其實我選嗰陣都冇後台,入行9年,靠努力先有機會做女一,相信關禮傑囡囡都唔想靠屋企人。」