台慶劇《多功能老婆》就快開播，朱晨麗在劇中扮演鍾意扮靚嘅靚太，好鍾意Shopping、買衫、修甲、美容，特別鍾意敷面膜。在劇中她一蒲頭就敷住黑色面膜以黑臉女神示人，仲帶埋一班姊妹黑口黑臉對住大家。她表示平時是慳妹一名，今次可以在劇裡一嚐購物狂滋味，還可以乘機敷面膜美容，所以拍到好開心。
講到扮靚，原來朱晨麗好愛網購，不但是格價專家，更是網購能手。她說：「上網買嘢平好多㗎， 好多時拍劇未埋位冇乜嘢好做就會上網買衫，主要買定平時做訪問， 出席活動，商演時穿，我唔一定要買名牌，喺網買嘅衫都好靚又平， 最緊要唔洗出街，拍劇太忙，根本冇時間逛街買衫。就算出街， 都係極速Shopping嗰隻，我會一早搵定目標，睇準晒款式、 顏色、尺碼，查定店舖位置存貨，去到店舖就會即買，好快手， 試都唔洗試，買完即跳上車。」
