MC、郭嘉盈及Ben一同出席活動。
ERROR成員193(郭嘉駿)胞妹郭嘉盈、張天賦（MC)、趙祥誠(Ben)今日一同出席活動。三人自認是機迷，MC更指自己試過24小時打機而被媽咪鬧爆，甚至試過被媽咪沒收滑鼠和鍵盤，最後要拿走螢幕才阻止到他打機；Ben則被家人限制每天打機1小時。
MC將與洪嘉豪開騷，但明言不會騷肌。
郭嘉盈表示現正忙於拍攝真人騷《全民造星IV》，並稱跟其他參賽者成為好友，不時相約食飯兼過夜。MC和Ben都是《造星》師兄，MC著她做好自己，不要遲到，做錯便要接納，而Ben則著她要相信自己。
問到哥哥193在節目中爆喊，疑與緋聞女友陳海寧（Dee姐）分手有關，郭嘉盈表示兩兄妹甚少傾感情事，也不覺得對方有異樣。她說︰「通常都係傾《造星》嘢，我都要返去問下佢。(冇問佢咩？) 感情是兩個人嘅事，等佢哋去處理，但真係好少傾。(有冇喺屋企喊？)我哋分開住嘅，我都想關心佢，但佢經常唔覆我機。」
郭嘉盈不清楚哥哥193的感情事。