不少苦主加入「我老婆嫁左比MIRROR 導致婚姻關注組」,多位「前夫」早前不停大吐苦水,又盡訴另一半為MIRROR的瘋狂舉動,引來不少迴響。Anson Lo(盧瀚霆)、Edan(呂爵安)出席《大叔的愛》活動時,表示有留意這個關注組。
他們指入面的帖文其實好sweet︰「一班老公好似喺度投訴,但佢哋可以為自己老婆做咁多嘢!」問到有冇遇到「情敵」,Anson Lo表示試過搭Lift時遇到男鄰居跟他說是關注組成員之一︰「我聽到有啲驚訝,佢問我係咪好緊張,我話冇,之後佢又話唔憎我同埋講『我感覺到你好緊張喎』,我就同佢講,你再問我就真係好緊張,哈哈。」