杜Sir在欣宜和Anson Lo面前自認「新仔」。
欣宜做完手術後拍攝該廣告，與Anson Lo跳舞搞到弄爆傷口。
杜琪峯(杜Sir)、鄭欣宜及MIRROR成員盧瀚霆(Anson Lo)日前為虛擬銀行拍攝廣告片，昨日3人出席首播禮。MIRROR明日開騷，成員接連病倒，而醫生更要Anson Lo兩周內不要說話。杜Sir得知後，搞笑著他找其餘成員幫忙。
Anson Lo表示會盡量減少說話養聲，擔心被人話態度差。杜Sir搞笑說︰「你唱得唔好都無人知！你哋好似十幾個，搵人幫你囉！你唔得咪叫啲兄弟頂下囉，唔係要咁多兄弟嚟做咩？哈哈！」問到杜Sir會否入場欣賞，他說︰「我未必有耐性睇晒全場，可能都會去『裝』下囉！」他又指電影界需要新血，若有適合的劇本，會找欣宜和Anson Lo。
享受做演員
今次杜Sir首以演員身份參與拍攝，他表示今次是很好的體驗，更在欣宜、Anson Lo面前扮新丁︰「導演叫我做乜就做乜，覺得係好體驗，做演員真係好舒服，入行40幾年嚟，未試過喺片場咁舒服，咁享受拍片。」問到與ViuTV的合作，他表示會開拍劇集，並認為現時大家可以把作品放到不同平台播放，不再局限電影、電視。他又鼓勵年輕人要放眼將來，他說︰「唔好覺得依家有問題，年輕人係為將來而活。」