Ad Block Ad Block
娛樂
2021-04-08 15:15:00

TVB大股東不滿無綫 陳志雲︰ViuTV應記一功

分享:

TVB大股東黎瑞剛日前接受媒體訪問,詳談無綫的缺失(相關新聞︰https://bit.ly/3sWGZAZ),就連汪阿姐都認無綫節目沉悶(相關新聞︰https://bit.ly/3fZ2LA6)。曾任TVB總經理的陳志雲昨日在其個人頻道就認為黎瑞剛開腔批評無綫,相信是因為ViuTV愈來愈受歡迎。

陳志雲引述黎瑞剛其中一個建議,指可以製作製作內地青年人創富故事,藉此啟發港人的創意,他說︰「我大致同意佢以上嘅觀察,不過唔同意佢舉嘅例,製作內地青年人嘅創富故事,唔見得有幾大創意,但要睇你點包裝,佢嗰句呢類節目可以啟發香港年青觀眾,都唔算係做乜嘢宣傳,我有啲攨頭,就算TVB打響旗號係為咗宣傳又何妨呢?已經好多呢類節目充斥着TVB,只係眼高手低,執行得唔好。」

對黎瑞剛指無綫的綜藝活動「自己人自娛自樂,場面愈做愈細」,陳志雲說︰「總係擺出嗰款我同你合作,即係我益咗你嘅態度,呢份高傲唔係業界每一個人都能夠接受。」他又提到最近製作節目時,常遇到曾與無綫合作、公司規模較小的公司向他大吐苦水,指遭無綫欺凌,結果不歡而散。他認為無綫的決策人不應再將自己擺到高高在上,「TVB如果再向前,就要接受一台獨大嘅客觀環境已經唔存在,應該盡量同外界謀求雙贏嘅合作關係,唔應該再抱住我要同你鬥過你死我活嘅心態。」

陳志雲估計有高層要離開。

陳志雲估計有高層要離開。

陳志雲認為黎瑞剛能列出無綫諸多問題,「冇理由到依家先發現呢啲問題」,他認為「遲好過無」,相信黎瑞剛要執行改革,會有人離開,他說︰「乜嘢刺激咗大家忽然好似瞓醒一覺呢?我相信近年ViuTV嘅表現,可能都應該係一劑刺激劑,如果TVB真係改革成功,ViuTV 應記一功。」

陳志雲認為ViuTV令到無綫醒覺。

陳志雲認為ViuTV令到無綫醒覺。

請接受以下私隱政策及免責聲明,以示你同意am730內之私隱政策及免責聲明。了解更多
接受