Ad Block Ad Block
本地
2017-03-16 06:00:00

【專訪】夫擁居英權 林鄭:不覺需放棄

分享:
林鄭月娥一家。

林鄭月娥一家。

林鄭月娥與丈夫年輕時的合照。

林鄭月娥與丈夫年輕時的合照。

【專訪】林鄭月娥自辭職參選特首後,其一向低調的丈夫林兆波成為傳媒追訪對象,她指丈夫不打算「應付」記者,「佢只係做番真性情嘅人,唔係好似我咁選行政長官」,但她形容丈夫非常配合傳媒,更笑言丈夫應加入政府,有助搞好與傳媒關係。另外,林太承認丈夫早年透過居英權計劃擁有英國籍,但只視作旅遊證件,不認為需要放棄。採訪:馮振超、鄭秀韻 攝影:黃文山、鍾式明、林俊源
林太競選辦早前回覆傳媒查詢時表示,1990年英國政府推出居英權計劃,林太與家人透過此計劃獲得英國國籍;林太於2007年出任發展局長時已放棄英籍,將來應該不會重新申請,而丈夫林兆波及兩名兒子林節思與林約希至今仍擁有英籍。


林太接受本報訪問時表示,「回歸前有居英權計劃,嗰個係所謂多一個旅遊證件嘅啫,佢有呢個旅遊證件」,但她說,「我唔覺得佢需要放棄」。


笑指夫入政府可搞好傳媒關係 
林太談及丈夫時經常流露笑意,對於丈夫多次在街頭被記者追訪,她直言丈夫對傳媒非常配合,「有時佢特登停落嚟,等佢哋(記者)擺好機、等佢哋叫埋同事嚟先接受訪問……」她指兩口子曾分享街頭追訪過程,「佢返嚟同我講,佢話人哋都係打份工啫,返去都要交差,如果佢選擇做呢個訪問可以交到功課,點解唔幫吓人呢?」為人妻子的林太笑言,「你真係好,應該入政府做,咁我哋(政府)對於傳媒關係肯定好好多。」

Ad Block


林氏夫婦過去2個月,經常被網民品評,被問及回家後有否互相安慰,林太表示,「冇咩特別,因為我哋都結咗婚三十幾年,大家都心領神會,因為我真係太攰,所以我返到屋企做完手頭嘢就瞓覺,所以冇乜詳談呢啲問題。」


她又說,丈夫對其參選從無抱怨,但坦言丈夫犧牲很大,她指因5年前本準備回英國短住享受二人世界,但計劃告吹,同一計劃在5年後再次被打亂,「所以林生係作出好大犧牲」。

林兆波於情人節撰文支持妻子參選。

林兆波於情人節撰文支持妻子參選。

Ad Block Ad Block
留言專區
Ad Block Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受