網上熱話｜大門換鎖留舊印 網民發揮創意獲事主讚「掂喎」
大掃除或更換一些長期遮蓋的家具裝飾時，不難發現會與其他位置的顏色不一致。網民Joe早前就於社交群組發文，指家居大門剛更換電子鎖，因為大小不同露出舊鎖的印痕，「有咩好方法清咗條痕跡」。有網民認為可以將整道大門換成新就可以，隨即引來抨擊「鬼唔知你呀媽係女人」、「解決方法又講唔出，但又要出聲」。
網民Nicole發揮創意，作品獲大家欣賞。(nicole.chanmiucho @FB)
亦有其他網民提出較可行的方法，例如使用WD40去除舊鎖印、訂造一塊大小小的不鏽鋼「磨圓邊再用釘膠痴實遮醜」、用同色油「油咗佢」。有留言表示，Joe需要確認想「100%還原定點」，要求高的話可以聘請執色師傅跟進。不過，另有網民發揮創意，提出可以用加工的方式美化舊鎖印(如圖)，示意圖更獲得超多網民讚好，回應比Joe的帖文更受關注，而Joe亦讚謂「掂喎」。