屯馬綫全線開通已近3個月,同時帶動沿綫地區樓價走高,當中包括屯門站上蓋物業瓏門。據報屋苑最新錄得實用面積約379方呎的一房單位,以738萬元成交,創項目同類新高,呎價約19,472元,在連登討論區有網民開帖談論,並指「唔明屯馬綫對瓏門係咪真係咁有用?」
一房今年4月升越7球 兩房7月雙破頂
屯門綫今年6月底全線通車,翻查資料,瓏門一房今年4月已衝上「7球」,當時8座高層G室,實用面積約379方呎,向東北享開揚山景,以710萬元沽出,折合實用呎價約18,734元,創屋苑同類造價新高,如今最新成交將一房造價紀錄推高約4%及28萬元。
至於屋苑兩房單位更於7月時錄得「雙破頂」,呎價更逼近2萬元。當時2座高層B室,實用面積約498方呎,向南,放盤罕有,以980萬元易手,折合實用呎價約19,679元,樓價及呎價均創屋苑同類單位新高。
網民有乜講?
打黑行動:「實際冇咩用,去東九快左d囉,但東九番工就唔會用咁多錢住瓏門」
巴塞球迷牙古路:「但除咗屯馬線根本無咩因素令瓏門升得咁癲」
shev!!:「7百幾萬而家只係買到瓏門一房,年頭呢個價有瓏門兩房」
Oooeddy:「當屯赤開通後整個屯門人流會變多東涌去屯門,屯門過去東涌,而屯馬線方便左好多九龍人/屯門人出出入入,同埋區外客入得屯門肯定第一諗就係瓏門」
瓏門由7座住宅大樓組成,分2期發展,提供1,991伙,樓齡近10年,樓下設有大型購物商場Vcity。
相關新聞:內地生隔離完即簽約!屯門入伙盤租務旺