特朗普教宗會面 被網友揶揄「惡魔與天使」大惡搞

美國總統特朗普昨日於梵諦岡與教宗方濟各會面。特朗普一家四口著一身黑，教宗就白衫白帽，5人排排企大合照，照片中特朗普笑容燦爛，教宗方濟各就一臉嚴肅，相映成趣。

照片一出，引起網友強烈迴響，直指係真實版「惡魔與天使」，仲馬上開始惡搞，將經典恐怖電影角色：《閃靈》雙胞胎、《凶兆》撒旦之子，以及《詭屋驚嚇實錄2》鬼修女，全部加落張相度，毫無違和感，仲有人將以往教宗方濟各同其他名人各照時嘅笑容可掬樣，同呢樣剪埋一齊，更加相映成趣。