英國女生Natalie Weaver 本來同男友Stephen Hall約好，共度星期日下午，男友仲話帶佢去個好地方，令佢非常期待。
點知前一晚，Stephen飲大咗，第二日醉到不省人事。Natalie即刻勁失望，不過佢好快就諗：你唔帶我去玩，咁我玩你囉！
於是Natalie就開始幫男友化妝，而男友全程都真係毫無知覺，於是玩上癮嘅Natalie甚至幫男友畫埋今期流行嘅全息彩甲，全套靚妝真係無得輸！
第二日凌晨4 點，毫無防備嘅男友終於醒喇，佢迷迷糊糊咁發現自己竟然「靚到咁」，完全震驚咁問女友發生咩事，而Natalie仲抵死咁嘗試說服佢：你番屋企時就係咁樣！事實上佢化妝過程中，幾乎笑死，好在男友都好有幽默感，唔嬲之餘仲開心咁同女友合照。
