英罕見榛睡鼠可愛寫真

有攝影師喺英格蘭南部Dorset，近距離影到一窩榛睡鼠林中享受日光浴嘅照片，畫面溫馨可愛。

榛睡鼠係英倫三島唯一原生品種睡鼠，屬英國重點保護瀕危動物，有一身金棕色毛，條尾毛茸茸，鼠如其名特別鍾意瞓，比較挑食，鍾意食花、果同昆蟲，最愛榛子。

榛睡鼠喺過去20年，數量已減少近四分三，瀕臨滅絕邊緣，主因係全球變暖及森林棲息地減少。