「爵屎」揼本為偶像爭新人獎 呂爵安又有流動應援車遊走各區

MIRROR成員呂爵安（Edan）今年人氣爆燈，由年頭推出 歌曲《E 先生連環不幸事件》到人氣劇《大叔的愛》，無論在綜藝節目、電視劇，甚至電影作品，也見到Edan蹤影；早前推出第2首個人單曲《小諧星》，亦好評如潮，Edan 有機力爭各大樂壇頒獎禮的新人獎。

有見偶像人氣強高企，一眾「爵屎」（粉絲暱稱）亦緊貼偶像步伐，為Edan悉心籌備流動應援車，由即日起至9月26日（星期日），去勻全港多區為Edan打氣，而「爵屎應援團」會在指定日子，派發Edan 2021年作品集特別版手幅，集齊6款後，背面更會拼出Edan樣子，甚有意義。